Hringur

Ef ógiftan aðila dreymir að hann sé með hring á fingri er það fyrir giftingu og má mikið mark taka á útliti hringsins og einnig hvernig hann fer á hendi. Ef hann er rúmur verður hjónabandið hálflosaralegt en ef hann er þröngur verður samlífið kvalræði. Gullhringur er fyrir mikilli virðingu. Silfurhringur er fyrir láni og góðum vinum. Gullhringur með eðalsteini er fyrir barneignum. Hringur úr járni eða stáli er fyrir erfiðleikum og sé hann látinn um háls þér boðar hann dauða. Brotinn hringur er fyrir vinslitum, ef þú brýtur hann munt þú slíta vináttunni.