Hefnd

Ef þig dreymir að þú sért að hefna þín á einhverjum sem hefur í raun og veru gert þér einhvern skaða, máttu búast við að verða fyrir niðurlægingu, jafnvel fangelsun. Draumar um hefnd hafa þótt boða niðurlægingu og leiðindi en sumir segja að merking þeirra þurfi ekki að vera svo alvarleg. Dreymandinn getur einfaldlega verið að fást við löngun sína til að hafa hlutina á hreinu, komast til botns í einhverju sem hrjáir hann og fá með því meira jafnvægi í líf sitt. Þarna þarf að taka vel eftir öðrum draumtáknum svo skilja megi ráðninguna.