Dúkur

Í flestum tilvikum munu draumar þar sem dúkur er áberandi tákn vera fyrir gæfuríku heimilislífi. Það skiptir nokkru máli úr hverju þeir eru, t.d. ef dúkurinn er úr hör boðar það aukna fjármuni, annað hvort kauphækkun eða góða sölu á einhverju, flauels- eða velúrdúkar eru fyrir ljúfum ástarævintýrum og silkidúkar merkja að vinsældir dreymandans í félagslífi fara vaxandi. Dúkur úr lérefti eða lítilfjörlegu gerfiefni eru aðvörun dreymandans um að gæta mannorðs síns og bæta hegðun sína gagnvart öðrum. Að klippa dúk eða stóran efnisbút á ská táknar að fréttir, einhversstaðar langt frá munu valda ólgu og leiðindum.