Bók

Sumir segja að bækur í draumi séu fyrir harðindum eða ótíð. Aðrir segja að þær séu fyrir friði og ánægju. Að sjá bækur í bókaskáp táknar örugga framtíð. Að blaða fram og aftur í bók er sagt vera fyrir óþægilegum fréttum, en að lesa í bók fyrir ánægjulegum atburði. Bók sem liggur opin getur verið fyrir því að einhver trúir þér fyrir sérstöku málefni, einnig að þú sitjir fróðlegan fund eða fyrirlestur sem þú kemur til með að hafa gagn af. Að sjá einhvern lesa í bók: þér verður þvælt í eitthvert uppátæki móti vilja þínum, taktu eftir nafni þess sem les. Mikið slitnar og laslegar bækur eru aðvörun til þín um að taka alvarlega á málefnum þínum, þar sem margt sem krefst tafarlausra aðgerða. Sé dreymandinn að skrifa bók er það merki um að hann sé að skapa sjálfum sér vandræði og erfiðleika með hegðun sinni.