Rautt

Rautt þykir oft góður litur, merki um glaðlyndi og vinafjölda, góðan gang í hlutunum, lífskraft í hámarki. Maya-Indíánar töldu rauðan lit merkja sigur og velgengni og Hindúar segja hann boða lífsgleði, sköpunarþrá og þroskaleit. Í nútímasamfélagi þýðir rautt oft hættu eða stans. Þannig getur rautt annað hvort verið aðvörun um hættu eða tákn um gæfu og gleði. Oftast á þetta við dreymandann sjálfan. Rautt er afgerandi og persónulegt tákn um sköpun og framkvæmdaorku. Ef rautt er mjög áberandi litur í draumi merkir hann ótta, reiði, andstyggð, árásargirni, jafnvel voðaverk.