Spil

Oftast boðar það gott að spila á spil, nema það sé fjárhættuspil. Dreymi þig að þú eða annar séu að spá í spil mun spádómurinn rætast í vökunni. Sértu áhorfandi að spilamennsku annarra, skaltu fara varlega í allar framkvæmdir á næstunni. Einnig geta spiladraumar verið bending til þín um að stóla ekki of mikið á heppni. Mannspil eru fyrir peningum en lágspil eingöngu eru fyrir fátækt. Hjarta táknar velgengni í ástarmálum, tígull ýmist auð eða völd, lauf fjártjón eða álitshnekki, spaði boðar sjúkdóma, hneisu eða lát vinar.